Presentación

A Unidade de Odontoloxía para Persoas con Necesidades Especiais

A Unidade de Odontoloxía para Persoas con Necesidades Especiais da Universidade de Santiago de Compostela púxose en marcha en 1992. Desde aquela ven desenvolvendo unha intensa actividade asistencial con doentes procedentes de toda a Comunidade Autónoma con algunha discapacidade severa, cuxas condicións médicas, condutuais ou, en ocasións, estritamente odontolóxicas, dificultan o seu manexo nunha clínica convencional.

A atención ás Persoas con Necesidades Especiais esixe unha sensibilidade especial, do mesmo xeito que non todos os estudantes de medicina poden soportar a visión do sangue.

Misión

A nosa misión non pode ser meramente asistencial, xa que no contexto da Universidade estamos na obriga de educar actitudes, proporcionar coñecementos e básicamente estimular aos nosos estudantes. Neste sentido, estamos particularmente orgullosos dos compañeiros que se formaron no Máster propio que se imparte na nosa Unidade, da nosa participación activa na sociedade científica que nos aglutina (SEOENE), e da nosa presenza nos órganos de dirección da Sociedade Internacional para a Discapacidade e a Saúde Oral (iADH).

A clave do éxito da Unidade radica na actitude e en manter viva a inquietude pola formación continuada.

O traballo en equipo é fundamental, xa que non só se trata de asumir unha responsabilidade compartida, senón tamén de procurar co tempo ampliar a nosa carteira de servizos, que ademais terán que ser proporcionados por profesionais con formación específica en diferentes áreas da Odontoloxía, con acceso a innovacións tecnolóxicas das que poderá beneficiarse tamén este colectivo.

Por último, as características especiais destes doentes obríganos a manter unha comunicación áxil con tutores, coidadores e outros compañeiros do ámbito sanitario; a experiencia é imprescindible para solventar algunhas situacións, pero a clave está en ser conscientes das limitacións propias e sobre todo en aprender a referir en lugar de abandonar aos doentes cuxa atención resulte particularmente complexa.

A nosa misión non pode ser meramente asistencial, xa que no contexto da Universidade estamos na obriga de educar actitudes, proporcionar coñecementos e básicamente estimular aos nosos estudantes. Neste sentido, estamos particularmente orgullosos dos compañeiros que se formaron no Máster propio que se imparte na nosa Unidade, da nosa participación activa na sociedade científica que nos aglutina (SEOENE), e da nosa presenza nos órganos de dirección da Sociedade Internacional para a Discapacidade e a Saúde Oral (iADH).

Composición do equipo

Colaboradores

Unidade de Cirurxía Ambulatoria / Hospital Cirúrxico de Conxo (CHUS)

Unidade de Coidados Intensivos Pediátricos / Hospital Clínico Universitario (CHUS)